KORONADAL CITY – Mas ginpahugtan subong sang mga kapulisan ang seguridad sa pamilya Matinong labi na ang bag-o nga alkalde sang Sto. Nino, South Cotabato makaligad ang paglagaw-lagaw suo pa sang pila ka mga suspetsado nga mga indibidwal.
Ini pila ka adlaw makaligad nga nagpanumpa si Mayor Sulpicio Villalobos makaligad ginpatay sang riding-in-tandem suspect si Mayor Pablo Matinong Jr.
Sa interbyu sang Bombo Radyo Koronadal kay Sto. Nino Municipal Administrator Jofrey Frenal, nakabaton sila sang pila ka mga impormasyon nga may pila suno pa ka mga tawo nga nakasakay sa motorisklo nga nagapamangkot kun sa diin nagapuyo si Mayor Villalobos.
Gin-ako man sini nga nagakabalaka kag nahadlok ang alkalde bangud diri, rason nga mas ginpahugtan pa ang seguridad sini pinaagi sa police escort kag security convoy kun diin man ini magkadto.
Nagapanawagan naman ini sa mga pumuluyo nga i-report sa kapulisan ang anuman nga impormasyon nga makabulig agud mapadasig ang kaso sa pagpatay kay Mayor Matinong.
Sa pihak nga bahin, napinalisar na sa Agosto 1 ang gintalana nga petsa para sa paglubong kay Sto Nino Mayor Pablo Matinong Jr.
Suno kay Frenal, pagkatapos sang misa, gilayon ini nga pagadal-on sa Sto Nino municipal hall ang haya ni Mayor Matinong para sa dyutay nga programa kag final viewing antes pagadal-on sa public cemetery kun sa diin igadul-ong sa ulihi nga palahuwayan si Mayor Abog.
Ginpaathag man sini nga may yara sang igapatigayon nga public viewing sa haya sang nagtaliwan nga alkalde kun sa diin mahimo nga makalantaw ang mga nagapalangga nga mga pumuluyo kag supporters ni Mayor Matinong takna alas 8 sa aga tubtob alas 5 sa hapon, kag igapain ang nabilin nga oras para sa pamilya kag sa mga malapit nga abyan sang alkalde.
