KORONADAL CITY– Ginpahugtan pa sang Moro Islamic Liberation Front ang ila paglagas sa mga myembro sang grupo nga Jamaatul Muhajireen nga local ISIS sympathizer.
Nahibaluan nga sa ginlunsar nga Task Force Ittihad, napatay sang MILF ang right hand ni Jamaatul Muhajireen leader Abo Toraife nga si Abdulkahar Musa.
Ang pagpatay sa right hand ni Toraife ang bangud sa mas naga init pa nga engkwentro sa tunga sang MILF kag sang nasambit nga grupo sa Datu Salibo, Maguindanao.
Dako suno pa nga kawad-an si Musa bangud ini ang nagatudlo sa mga myembro nga maghimo sang bomba kag ini man ang nagapanguna sa pagpang-atake sa lugar.
Samtang sa subong, padayon pa nga ginakumpirma sang militar ang pagkapatay kay Musa.
Madumduman nga nagapakigbuligay subong ang MILF sa militar kag sa PNP agud tapuson ang nasambit nga grupo.
