KORONADAL CITY- Gintun-an sa karun sang mga rescuers halin sa nagkalain-lain nga ahensya kun paano madul-ong sa pinakamadasig nga pamaagi ang mga pagkaon kag first aid kits kag marescue ang yara sa 200 ka indibidwal nga ginasiling nga na trap suno pa sa isa nabukid nga bahin sang Palau Sebesi nga isa sa mga isla nga malapit sa Java kag Sumatra makaligad ang pagpanalasa sang Tsunami.
Sa interbyu sang Bombo Radyo Koronadal kay Bombo International Correspondent Elmer Decina, nagabinuligay sa karun ang Indonesian army kag rescue workers agud mahatagan sang food supplies ang mga survivors kag tigayon na nga marescue sa nabukid nga bahin padulong sa mas luwas nga lugar.
Dugang pa sini nga base sa impormasyon nga nakalab-ot sa ila, pila sa mga nagbakwit ang tarpaulin lang kag sako ang ginatulugan kag ginatunga na lamang ang dala nila nga mga pagkaon sa ila pagbakwit kasubong sang tinapay kag instant noodles apang ginpasiguro man sang gobyerno nga may mga alternatibo sila nga pamaagi agud marescue gilayon angn mga na trap nga mga residente.
Nahibaluan nga sa karun ginakahadlukan nga magalab-ot pa sa 500 ang patay bangud madamo pa sang mga residente ang missing.
