KORONADAL CITY– Naghayag sang suporta sa Martial Law extension ang Regional Peace and Order Council (RPOC) sa Rehiyon XII matapos nga magpangayo si President Rodrigo Duterte sang 60 days extension.
Kaangot sini, siyam ka resolution ang nagpahayag sang suporta sa deklarasyon sang Martial Law ang ginpresentar sa ginpatigayon nga pagsinapol sang Regional Peace and Order Council sa Isulan, Sultan Kudarat.
Ang pagpahayag sang suporta ang gikan sa mga local peace and order council kag League of Municipalities (LMP) Sultan Kudarat.
Suno kay Sultan Kudarat Gov. Pax Mangudadatu, ginkakasan man sila sang police power sang NAPOLCOM wala sila naga untat agud mapabilin ang peace and order sa lugar.
Samtang ginpahayag sini nga wala sang nangin epekto ang pagkakas sang police powers bangud sa ginahimo nga bulig sang PNP at AFP sa probinsiya sang Sultan Kudarat.
Kaangot sini,suno sa ila resolusyon nagasugot sila sa extension agud mapalayo ang lugar sa mga kinagamo nga nagaluntad sa iban nga slugar sa Mindanao.
