KORONADAL CITY – Ginpasiguro sang gobyerno sang Qatar nga nakahanda sila sa anuman nga worst case scenario sa ginapangatubang nga problema sa subong labi na sa tikang sang mga Arab nations nga nag-utod snag diplomatic ties sa nasambit nga pungsod.
Ini ang ginpahayag ni Bombo International Correspondent Glorydil Aperocho Horiana.
Suno kay Horiana, mismo nga ang Ministry of Economy and Commerce ang nagpasiguro nga wala sang food shortage nga matabo sa Qatar bangud may nagakaigo nga suplay ang ila nga pungsod.
Kasunod ini sang natabo nga pagpanic buying sang mga residente didto lakip na ang mga OFW’s sa kahadlon nga maubusan sang pagkaon humalin sang ginpatuman ang lockdwon sa nasambit nga pungsod.
Sa tion naman nga matabo ini may nakapreparar nga emergency plan rason nga ginlaygayan sang mga ini ang tanan nga pumuluyo nga indi magpanic.
Kadungan sini, gindulan man sang mga emoployer ni Horiana ang kahadlok sang mga OFW’s nga nagatrabaho sa Qatar bangud masarangan suno pa nila nga masolusyonan sang gobyerno ang problema sa subong.
Kaangot sini, nagpanawagan si Horiana sa iya mga ginikanan sa Pilipinas nga indi mabalaka sa iya nga sitwasyon didto.
Si Horiana ang 4 ka tuig na nga nagatrabaho sa Qatar bilang Domestic Helper gikan sa banwa sang Sto Nino. South Cotabato.
