Ginmanduan ni President Vladimir Putin ang militar nga tabugon ang puwersa sang pungsod Ukraine nga nakasulod sa ila teritoryo nga nagresulta sa pagbakwit sang masubra 120,000 ka pumuluyo sa rehiyon malapit sa border.
Matandaan nga naglunsyar sang surpresa nga pag-atake ang Kyiv sa western Kursk region nga ginakabig maragtason nga hitabo.
Sa karun padayon ang opensiba sang Russia agud mapunggan ang Ukraine sa pag-abanse sa rehiyon sang Russia.
Nagapati naman si Putin nga luyag ipakita sang kaaway sini ang ila puwersa kag gub-on ang paghugpong sang Russia.
Nagpaandam man ini nga ang amo nga hitabo ang may mas mabug-at nga balos.
Nahibaluan nga Pebrero 24, 2022 pa nagsugod sa pagsalakay ang Russia sa Ukraine, apang tubtob subong wala pa ma kontrol ang amo nga pungsod kag nalutsan pa ang mga ini kag gindala ang inaway sa teritoryo naman sang mananakop nga Moscow.
