Ginkwestyon ni Davao City 1st District Rep. Paolo “Pulong” Duterte ang pahayag ni Defense Secretary Gilberto Teodoro Jr. nga dapat magbiya ang mga opisyal sang gobyerno nga ginakabig nga nagapanig sa China may kaangtanan sa isyu sa West Philippine Sea (WPS).
Suno kay Duterte, ang mandato sang mga opisyal nagahalin sa sambayanang Pilipino kag indi sa Department of National Defense.
Ginpahayag niya nga kun may yara sang opisyal nga nakalapas sa kasuguan, dapat ini ipaagi sa husto nga proseso legal.
Ginpanindugan man niya nga indi dapat sukdon ang pagka-makabayan base lang sa bansag nga “pro-China,” kag indi dapat gamiton ang pagpakamalaot sa China bilang sukdanan sang patriotismo bangud may iban pa nga pungsod nga may pag-angkon sa West Philippine Sea.
Dugang ni Duterte, ang panguna nga katungdanan ni Teodoro amo ang pagpalig-on sang depensa sang pungsod kag indi ang paghukom sa katampadan sang mga nga opisyal.
Ginpanawagan man niya ang AFP nga magpabilin nga nakatutok sa ila mandato.
Nagsabat naman si Teodoro nga ang iya ginatumod indi ang personal nga opinyon sang mga opisyal, sa baylo ang ila obligasyon nga magsunod sa kasuguan kag polisiya sang gobyerno, lakip ang Administrative Order No. 29 nga nagtakda sang West Philippine Sea bilang opisyal nga pagtawag sa mga kadagatan sa nakatundan nga bahin sang Pilipinas.
