KORONADAL CITY – Nagdeklarar sang suspension of classess ang pamunuan sang Cotabato City makaligad ang nabatyagan nga mabaskog Mag 5.9 nga linog kun sa diin napagkit ang Intensity 4 sa nasambit nga syudad kahapon Nobyembre 19,2019.
Sa esklusibo nga interbyu sang Bombo Radyo Koronadal kay Anecito Rasalan, Executive Secretary ni Cotabato City Mayor Cynthia Guiani, ginhimo ang nasambit nga tikang agud nga hatagan sang ligwa ang pagpatigayon sang assessment sa mga pampubliko kag pribado nga mga buluthuan.
Gina-imbestigaran man sang LGU ang mga 4 ka public schools building nga wala pa nakalab-ot sang 10 ka tuig apang tuman na nga damage ang napagkit kun ikumparar sa mga daan na nga buildings nga wala man sang sang napagkit nga litik.
Sa tion suno pa nga mahibaluan nga substandards ang mga materyales nga gin-usar, pagapamatangan ang mga contractors sang nagkaigo nga penalidad.
Lakip sa nagpatigayon sang pagsekyar amo ang Cotabato City Public Safety Office, City Disaster Risk Reduction and Management Office kag City Engineering Office.
Sa subong, padayon naman ang pagmonitor ang nasambit nga mga talatapan agud nga masekyar ang kaluwasan sang mga pumuluyo sa tion sang kalamidad.
