Malipayon kag kumpiyansa si Lead House Prosecutor Gerville Luistro matapos ang pagtakop sang pagtalakay sang prosecution panel sa Article IV sang impeachment trial may kaangtanan sa alegasyon sang grave threats.
Suno kay Luistro, nagmadinalag-on ang prosekusyon sa pagpresentar sang ila mga ebidensya, dokumento, kag mga pagpamatuod nga nagasuporta sa nasambit nga article of impeachment.
Gindugang pa niya nga ang maayo nga paglatag sang ila kaso naghatag sang igo nga kahigayunan agud maipakita ang ila mga argumento sa atubangan sang impeachment court.
Suno sa iya, tatlo pa ka articles of impeachment ang nabilin nga pagatalakayon sa masunod nga mga hearing sang impeachment court.
Bangud sini, padayon ang maid-id nga preparasyon sang House prosecution panel sa pagrepaso sang mga ebidensya kag pagpreparar sang ila mga testigo para sa masunod nga mga hearing.
Nagpahayag si Luistro nga determinado ang ila grupo nga ipadayon ang presentasyon sang ila kaso sa organisado, sistematiko, kag nakabase sa mga kamatuoran nga pamaagi tubtob matapos ang impeachment trial.
