PNP official kag 3 ka iban pa nga involbado sa pagpanumbag sa isa ka guwardiya, gin-relieve na
KORONADAL CITY – Gilayon nga gin-relieve sa pwesto ang 2 ka pulis sang Regional Crime Laboratory Office 12 kag 2 gikan sa Highway Patrol Group (HPG) South Cotabato makaligad nga mainvolbar sa pagpanumba sa isa ka guwardiya sang isa ka bar sa siyudad sang Koronadal.
Ginpatuman ang nasambit nga tikang makaligad nga makalab-ot sa talatapan sang Regional Police Office 12 ang ginhimo sang mga ini.
Ginkilala ang mga pulis nga sanday PCI Armando Gallego kag PO3 Edmond Delos Reyes sang SOCO-South Cotabato kag Joven Sumugod kalakip na si Reymart Lustro sang HPG-South Cotabato.
Una naman ng ginkumpirmar ni Police Senior Superintendent Nestor Salcedo, Provincial Director sang South Cotabato ang ginhimo sang mga ini makaligad nga makuhaan sang cctv footage ang ginhimo sang mga ini kay Randyl Almacin nga guwardya sang Mc Grille bar.
Sa eksklusibo nga interbyu sang Bombo Radyo Koronadal kay Almacin, ginpahayag sini nga pormal na niya nga ginpasakaan sang kaso nga Physical Injuries, Grave Threat kag Grave Oral Defamation sanday PO3 Delos Reyes, Sumugod kag Lustro bangud sa 3 nga ini ang nagpanakit sa iya.
Apang, dapat man nga magpangatubang sang kaso nga administratibo si PCI Gallego bangud nga ginpabay-an lamang sini ang iya mga tinawo nga sakiton siya.
Suno sa iya, dapat nga manabat ang mga ini kag makakas sa serbisyo kun kinahanglan.
Naphibaluan nga nag-ugat ang pagpanakit sa biktima matapos dumilian sini ang mga pulis nga magdala sang mga armas luthang sa sulod sang bar butang nga ginkaakig sang mga ini nga nagresulta sa pagpanakit sa iya.
