KORONADAL CITY – Nabuyagyag na ang plano nga iligal nga operasyon sang radio station nga gintukod sang KAPA Media Marketing Network matapos nga nakita nga nag usar ini sang iban nga pangalan sa mga papeles nga ginsumiter sa City Planning and Development Office sa syudad sang Koranadal.
Nahibaluan nag nag usar sang pangalan nga Rina Apolinario ang nasambit nga radio station nga “Jack Radio” nga nagapangayo sang permit sa City Planning agod nga maka operate base sa mga dokumento nga ginsumiter sang nagproseso sini.
Apang nabuyagyag sa gin isyu nga permit ang halin sa National Telecommunications Commission (NTC) nga ang KAPA Media Marketing Network an tag- iya sini.
Suno sa City Planning nga mangin maid-id na sila sa pag sekyar sang mga papeles nga igasumiter sang nasambit nga radio station.
Samtang sa pihak nga bahin nagpromisa naman si City Licensing Officer Gilbert Gayosa nga indi sila pagpabaya sa pagtutok sang kaso sang KAPA Community International Inc. bilang isa ka investment scam nga padayon nga naga operate sa syudad sang Koronadal kag sa nagkalain- lain nga area sa Mindanao.
Sa pagkamatuod natalana suno pa nga padal-an sang 3rD and Final Notice of violation ang KAPA kag kun indi ang mga ini magasunod sa nasambit nga proseso, igarekomendar ang pagpasara sini.
