KORONADAL CITY- Padayon nga ginalagas subong sang mga otoridad ang yara sa likod sang napunggan nga bomb attack sa isa ka buluthuan sa syudad sang Tacurong, Sultan Kudarat.
Nahibaluan nga ang Improvised Explosive Device ang ginsulod sa itom nga bag kag ginbilin sa atubang sang Griño Elementary School nga ginhimo sa 105mm ammunition.
Gilayon naman nga ginresponderan sang
Joint Task Force Talakudong kag sang Explosive Ordnance Disposal (EOD) sang militar kag sang PNP kag ginbakwit ang mga estudyante nga yara sa palibot sang lugar.
Natukiban nga indi lang sa Tacuron ang plano nga pagpamomba kun sa diin suno sa isa ka Civilian informant isang Yasser Saligan ng Bangsamoro Islamic Freedom Fighters (BIFF) sa idalom ni Commander Sukarno Sapal alyas Diok nga lakip man sa Bungos faction ang yara sa likod sang plano nga IED attacks nga target ang pila ka mga lugar sa probinsya sang Sultan Kudarat.
Samtang sa interbyu sangg Bombo Radyo Koronada kay BIFF spokesperson Abu Misri Mama ginpanginwala sini nga sila ang yara sa likod sang napunggan nga pagpamomba.
