KORONADAL CITY- Nagapangatubang sang adultery ang isa ka Pinay domestic helper sa Sharq district sa pungsod Kuwait matapos matukiban nga nakigrelasyon ini sa Indiano nga driver nga katrabaho sa nasambit nga pungsod.
Ginkilala ang pinay DH nga si Tessa Manaludin sang Datu Piang, Maguindanao, 32 anyos separar sa asawa kag may 3 ka bata samtang ang nakarelasyon sini ang ginkilala lamang sa pangalan nga Rahul 29 anyos kag may asawa.
Suno sa impormasyon, natukiban ang ila nga relasyon matapos gindala sa hospital ang pinay DH bagud sa tuman nga pagpalanakit sang tiyan kun diin nahibaluan nga 2 ka bulan na ini nga nagadala.
Gin-ako man sini nga nag-ayuhay suno pa sila sang Indiano nga driver kag ginpahayag nga ini ang amay sang iya ginadala, samtang ginpanginwala naman ini sang iya nga karelasyon.
Sa subong sa presuhan ang nadangatan sang duha ka samtang nagapadayon pa ang imbestigasyon sang mga otoridad sa nasambit nga pungsod.
