Sang naglabay nga adlaw sang Peberero 19, 2025 may isa ka kumbuyuhan sa Santa Mateo, California ang nagadisenyo kag nagadevelop sang flying car nga may sustainable nga mobilidad, kun sa diin madinag-on nila napatigayon ang flight test sang ila flying car sa isa ka syudad.
Nagpagwa sang video test ang kumbuyuhan sang Alef Aeronautics nga amo ang pinakauna nga video sa maragatasan sang isa ka kotse nga makalupad.
Bisan may mga video na sang mga auto nga nagagamit sang runway agud magtake off, mga video sang tethered flights, kag eVTOL nga flying taxis nga nagatake off, ini ang pinakauna nga video nga gin-release sa publiko sang isa ka auto nga nagalakat kag ini ang nagatake off sang wala naga gamit sang runway.
Ang test ginpatigayon nga may husto nga mga safety measures, ginsigurado nga ang dalan ginpahamtang sang mga flight test ang sarado, wala sang tawo nga yara sa idalom ukon malapit sa flight path, kag ang palibot nga lugar wala sang madamo nga tawo, kag ang tanan nga safety equipment kag personnel yara.
Ang test natapos nga wala sang bisan ano nga problema sa safety.
Gamit suno pa sang espesyal nga ultralight nga version sang Alef Model Zero.
Sa nagligad nga tuig, ang Alef naka-achieve sang pagpanubo sang kabug-aton kag mga enhancement sa structural integrity.
Ang nasambit nga flying car sang Alef 100% electric, pwede magamit sa publiko nga dalan, kag may kapasidad sa vertical takeoff kag landing, bangod sini nakabaton ang Alef sang 3,330 nga pre-orders paagi sa ila website.
Ang Alef, nga nakabase sa San Mateo, California, isa ka sustainable nga electric transportation company nga nagadisenyo kag nagadevelop sang road-legal nga passenger car nga may kapasidad sa vertical takeoff kag forward flight.
