KORONADAL CITY- Ginatinguhaan subong sang lokal nga gobyerno sang Makilala, North Cotabato nga masalbar pa ang posible nga mga survivors sa mabaskog nga mga linog nga nagtay-og sa dako nga bahin sang Mindanao.
Sa ekslusibo nga interbyu sang Bombo Radyo Koronadal kay North Cotabato second district board member Onofre Respecio, apisar nag-abot na ang mga heavy equipments sang gobyerno agud ma rescue ang mga residente sa mga lugar nga natabunan sang malapnagon nga landslide, indi ini kasiguraduhan nga gilayon masalbar ang mga biktima ilabi pa nga pabudlayanay ang clearing operations bangud tuman ka dako nga bahin sang kabukiran ang natiphag.
Nahibaluan nga tatlo ka mga barangay ang pinaka apektado sang landslide nga ginakabug-usan sang Barangay Bato, Buhay kag Malabuan kun sa diin ginpahayag ni board member Onofre Respecio nga dako ang posibilidad nga may mga residente nga natabunan kag may mga na trap sa mga dalanon papanaog sa nabukid nga bahin sang nasambit nga lugar.
