KORONADAL CITY – Padayon nga ginapahanumdum sang mga katapo sang city public market ang tanan nga mga negosyante sa merkado publiko ilabi na China town nga maghalong sa mga pila ka mga nagapakuno kuno nga mga manugbakal agud nga makapalusot sang ila peke nga kwarta.
Suno kay Koronadal City Public Market Supervisor Junard Manansala nga may pila na sila ka mga report nga nabaton nga may mga nagaguluwa na nga mga peke nga kwarta nga yara sa 200, 500 kag 1,000.
Ginatarget suno pa sang mga nagamodus sini ang mga magagmay nga mga negosyante nga nagalibod lang sang ila nga baligya sang sulod kag palibot sang merkado.
Dugang pa nga dapat magdoble gid sa paghalong ilabi pa subong nga palaabuton nga paskwa kag bag-ong tuig nga may yara sangm ga pila nga nagapamintaha sa ila isigkatawo.
Mangin si City Treasurer Marloun Gumbao ang nagpanawagan man sa mga pumuluyo nga mangin mahalong ilabi na sa kasakuon sang mga negosyante sa Merkado publiko ukon mga tindahan.
Sa tion nga may madakpan, ginaawhag ni Gumbao nga ipaaresto sa kapulisan agud nga mapahamtangan sang penalidad kag mapreso.
