Ginpahayag sang Philippine Coast Guard (PCG) nga magapadala sila sang duha ka barko agud masiguro ang kaluwasan sang “Atin Ito” coalition sa ila ikatlo nga misyon sa West Philippine Sea (WPS), halin Mayo 26 tubtob Mayo 30, 2025.
Suno kay Commodore Jay Tarriela, spokesperson sang PCG para sa WPS, ang isa ka 97-meter kag isa ka 44-meter nga barko igapadal agud maghatag sang seguridad, bisan pa nga ang misyon isa ka civilian-led initiative.
Ini nga tikang nagsugod sa insidente sa Pag-asa Island kun sa diin ang barko sang Chinese Coast Guard (CCG) nagbomba sang water cannon sa BRP Datu Sanday nga naga-panghimo lang sang marine research.
Sa piyak sang tensyon, ginpamatud-an ni National Maritime Council spokesperson Alexander Lopez nga ginahingyo nila ang “Atin Ito” nga magpadayon sa ila misyon kag may mga contingency plans sila kon magka-problema.
