Ginpahayag ni Bangsamoro Autonomous Region in Muslim Mindanao – National Bureau of Investigation (NBI) Regional Director Atty. Jeremy Lotoc sa una nga adlaw sa ikaduha nga semana sang impeachment trial ni Bise Presidente Sara Duterte nga wala siya nakabaton sang direkta nga mando halin kay Presidente Ferdinand “Bongbong” Marcos Jr. may kaangtanan sa imbestigasyon sang NBI sa mga ginpahayag nga pagpamahog sang bise presidente.
Suno kay Lotoc, gin-umpisahan sang NBI ang imbestigasyon moto proprio ukon sa ila kaugalingon nga inisyatibo.
Apang sa amo man nga adlaw, nakabaton sila sang direktiba halin sa Department of Justice (DOJ).
Ginpamangkot ni Defense lawyer Atty. Mark Vinluan kun posible nga may bias ang imbestigasyon batok kay VP Sara, apang nagsabat si Lotoc nga nagsunod lamang ang NBI sa ebidensiya kasunod sang ila imbestigasyon.
Ang imbestigasyon naghalin sa mga pahayag ni Duterte sang Nobyembre 2024 nga may ginpreparar siya nga tawo nga magpatay kay Marcos, First Lady Liza Araneta-Marcos, kag anay House Speaker Martin Romualdez kun may matabo sa iya.
