KORONADAL CITY– Nadugangan pa ang patay sa nagluntad nga aksidente sa dalanon sa Prk. Mesias Brgy. Paraiso syudad sang Koronadal makaligad magbungguanay ang isa ka skygo topdown kag duag puti nga hilux.
Madumduman nga una na nga ginbawian sang kabuhi si Ronnie Echona, 35 anyos nga taga Brgy. Tamnag, Lutayan, Sultan Kudarat samtang nagdugang pa sa napatay si Lucina Echona, 75 anyos nga residente sang Surallah, South Cotabato.
Ang 7 ka mga survivors nga ginalakipan nanday:
1.) Reminito Pardoncillo, 26 anyos- driver, Brgy. San Miguel Norala SoCot – Driver sang Topdown
2.) Jenalyn Echona, 47 anyos, San Miguel Norala SoCot
3.) Jenny Diego, 25 anyos, Surallah. SoCot
4 .) Dexter Rey Pradlas, 18 anyos, Surallah SoCot
5.) Jerson Elarmo, 16 anyos, Surallah SoCot
6.) Keven Klent Diego, 5 anyos, Surallah, SoCot
8.) Kent Ian Oaro, 6 anyos, Surallah South Cotabato ang padayon pa nga nagapaayo.
Madumduman nga kahapon nga adlaw, samtang padulong sa Upper Valley ang 9 ka mga sakay sang topdown, naglupok ang tire sini nga nagresulta sa pagdiretso nila sa pihak nga lane kag nabunggo sa Hilux nga duag puti nga ginamaneho ni Ennis Chris Bayaras Yap, 24 anyos, Brgy. Bambad, Isulan Sultan Kudarat.
Suno naman kay Police Senior Master Sgt. James Gervacio, hepe sang Koronadal City Traffic nga nagakadapat mangin mahalong ang mga motorista kag byahero kag likawan ang overloading sa mga salakyan agud indi makatuga sang tuman nga disgrasya.
