KORONADAL CITY- Hustisya kag patas nga imbestigasyon ang ginasinggitan sang utod sang isa sa 2 ka mga suspek nga napatay sa ginpatigayon nga search warrant operations sa banwa sang Norala, South Cotabato.
Sa ekslusibo nga interbyu sang Bombo Radyo Koronadal kay Jessa Montibon, utod sang napatay sa operasyon nga si Melvin Montibon, gin-insister sini nga wala suno pa nagbato ang ila nga utod.
Malain naman ang buot sini bangud may yara suno pa sang mali sa ginpatigayon nga operasyon kun sa diin ginpang tiklod sila mangin ang iya iloy nga may highblood kag ang mga bata padulong sa gwa kag didto lang ginpahayag sa ila nga search warrant implementation ang igapatigayon sang mga otoridad kag tardet ang iya utod kun sa diin ginsulod na ang ila puluy-an kag ginpanglampusan suno pa sang rifle ang mga pwertahan sang ila mga kwarto.
Gilayon nga ginpadulungan suno pa sang tropa ang kwarto sang iya magulang samtang sila ang yara sa gwa sang puluy-an apang sang sina nga tinion nagpati sila nga wala sang matabo nga malain sa iya magulang bangud search waarrant implementation lang ang pagahimuon.
Sang makagwa na sila nabatian nila ang tingog sang ila kuya Melvin nga nagasinggitan kag ginatawag ang ila iloy kag ginsundan pa ini sang asud-asod nga lupok sang armas kag didto na ginpagwa ang bangkay sang ila magulang
Luwas naman kay Melvin, pataty man sa operasyon sa Brgy. Poblacion, patay man si Ryan Balcarcel halin sa Brgy. San Miguel Norala South Cotabato apang wala naman naabtan ang isa ka Edilbert Dadivas nga target sang operasyon.
Samtang sa pihak nga bahin, sa ekslusibo nga interbyu sang Bombo Radyo Koronadal kay South Cotabato Police Provincial Director Senior Superintendent Nestor Salcedo, ginpahayag sini nga nakaangkon sang encounter sa ginpatigayon nga operasyon sang magbato sa tropa ang mga suspek.
Dugang pa sini nga nakarekober suno pa ang pila ka mga pakete sang ginapatihan nga shabu, 2 cal. 9mm ingram submachine gun nga gin-usar sang mga suspek sang magbato sa mga otoridad.
Luwas sa mga ginasiling nga iligal nga droga kag mga armas, narekober man ang mga cellphones, tablet, kwarta kag powerbank.
Dugang pa ni Col. Salcedo ang ginkasa nga operasyon sang PNP ang bunga sang madugay na nila nga Intel Surveillance sa nasambit nga suspek.
