KORONADAL CITY – Yara sa sa subong sa komitiba sang Environment sang sangguniang panlalawigan sang South Cotabato ang issue sang pagbisita sa Environmental Code sang Probinsya kag ang liwat nga pagtugot sa operasyon sini labi na sa banwa sang Tampakan ,South Cotabato.
Ini ang nangin pahayag ni South Cotabato Vice Governor Vicente “Vic” De Jesus sa interview sang Bombo RAdyo Koronadal.
Suno sa iya, yara sa subong sa kamot sang komitiba ang desisyon angot sa pagpangmina sa South Cotabato kag tubtub sa subong, wala pa pinal nga petsa ang pagtuga sang desisyon sa amu nga butang, apang makalaum suno pa ang South Cotabateños nga may transparidad ang ila nga pagahimoon nga tikang para sa probinsya kag katawhan sini.
Dugang pa sini, ginapasiguro man sang opisyal, nga indi malamuran sang pulitika ang ila nga desisyon kag wala man sang pulitiko nga mga intra sa mangin desisyon sang bilog nga Sanggunian.
Sa ulihi, open man sa gihapon ang komitiba mangin man ang Sanggunian para sa pagpamati sang mulo kag luyag sang kada tao ukon kada sector angot pagpangmina sa probinsya.
