KORONADAL CITY – Welcome development para sa mga pamilya sang Maguindanao massacre victims ang balita nga ipaguwa na ang pamatbat batuk sa mga suspek sa una nga quarter sang 2019.
Ini suno pa ang maayo nga balita para sa pamilya sang 58 ka mga biktima sang makangilidlis nga krimen sa maragtas labi na kag natalana naman nga komemorahon sa palaabuton nga Nobyembre 23, 2018 ang ika-siyam ka tuig nga anibersaryo sini.
Sa eksklusibo nga interbyu sang Bombo Radyo Koronadal kay Janchiene Maravilla, bata ni Bombo Bart Maravilla, anay Chief of Reporter sang Bombo Radyo Koronadal kag isa sa mga biktima, ini na ang ginahulat nila bangud una na sila nga gin-abisuhan nga tapos na ang kaso kag conviction sang mga suspek na lamang ang ila nga luyag mabatian.
Suno naman kay Atty. Nena Santos, isa sa mga abogado sang prosekusyon, kampante siya nga mapamatbatan sang guilty ang mga Ampatuan kag iban pa nga akusado bangud mabaskog ang mga ebidensiya nga ginprensentar nila.
Sa sunod suno pa sang 9 ka tuig wala nila nakit-an sang kawad-an sang paglaum ang pamilya sang 58 biktima, lakip na diri ang 32 ka katapu sang media.
Nakita niya man kun sa ano ginpakigbato sang mga ini ang kaso agud nga makab-ot ang hustisya para sa ila mga mahal sa kabuhi.
Aminado man si Atty. Santos nga isa ka dako nga pagpanghangkat para sa ila ang Maguindanao massacre case.
