KORONADAL CITY – Nagapadayon tubtub sa subong ang paglunsar sang operasyon sang mga militar batok sa presensya sang terrorista nga grupo sang Daulah Islamiya sa bahin sang boundary sang banwa sang Polomolok kag T’boli South Cotabato nga naka engkwentro sang mga katapo sang 601st Infantry (Unifier) Brigade kun sa diin narekober man ang pila ka mga materyales para sa paghimo sang bomba kag pila ka mga subersibo nga dokumento.
Ini ang nangin pahayag ni Lt.Col John Paul Baldomar, tagpamaba sang 6 ID Phil.Army sa interview sang Bombo radyo koronadal .
Suno sa opisyal,indi mag -untat ang ila nga mga katapo sa pagpanglagas sa mga nag aratras nga mga miyembro sa ng Daulah Islamiyah padulong sa nabukid nga bahin sa banwa sang Polomolok.
Dugang pa sang opisyal, nangin madasig man ang ila nga operasyon batok sa mga terros=rista bangud sa mga nauna man nga report sang pila ka mga residente sa area kag pag tudlo sa mga miyembro sini agud mapadasig ang pagdakop sa mga terrorista.
