Pag-ban sa pag-usar sang kabataan sa social media sa Australia, nagtuga sang pagkabalaka

Nagakabalaka ang mga kabataan sa Australia sa social media ban nga mag-umpisa sa Disyembre 10, kun sa diin i-deactivate ang masobra isa ka milyon ka accounts sang mga menor de edad.

Tinutuyo sang gobyerno ang proteheran ang mental health, apang para sa madamo nga kabataan, ilabi na sa LGBTQIA+—importante ang social media bilang safe space, suporta sa komunidad, kag “lifeline” batok sa bullying.

Sandig sa 2025 Headspace survey, 37% sang kabataan ang nagakabalaka sa isolation kag 35% ang nahadlok nga ma-left behind sa social trends.

Suno kay Nicola Palfrey sang Headspace, kinahanglan gihapon sang alternatibo nga offline nga paagi para makakonektar ang kabataan.