Wala nag-untat ang Russia sa pagpalupad sang ila ballistic missiles kag mga drone strikes nga nag-igo sa energy sector sang Ukraine, lakip na ang mga power plants kag kritikal nga mga imprastraktura sa Kyiv kag iban pa nga mga lugar sa pungsod.
Suno kay Ukraine President Volodymyr Zelensky, ginapili sang Russia ang terror kag ang pagpataas sang tensiyon imbes nga diplomasya agud tapuson ang giyera.
Bangud sini, nagpanawagan siya sa mga kaalyado nga pungsod nga mas pabaskugon pa ang pressure batok sa Russia agud mapunggan ang padayon nga mga atake.
Ginkondena man sang North Atlantic Treaty Organization (NATO) ang nasambit nga mga pag-atake.
Suno kay NATO Secretary Mark Rutte, nga bag-o lang nagbisita sa Ukraine kag nakigkita kay Zelensky kag sa pila ka mga miyembro sang parlamento sang Ukraine, padayon ang suporta sang NATO sa pungsod tubtob nga matigayon ang kalinong kag kasiguruhan.
