Gin-aprubahan sang House of Representatives sa ikatlo kag katapusan nga pagbasa ang ginaduso nga P6.79-trillion 2026 national budget (House Bill 4058) sini nga Lunes, Oktubre 13. Nakuha ini sang 287 boto nga pabor, 12 nga nagapamatok, kag 2 nga nag-abstain pagkatapos sang deliberasyon halin sang Agosto 18.
Suno kay Speaker Faustino “Bojie” Dy III, ang pagpasar sang budget pamatuod sang pagtutok sang Kongreso sa reporma kag pananagutan.Prayoridad sa budget ang edukasyon, ikaayong lawas, agrikultura, kag serbisyo sosyal suno sa adbokasiya ni Pangulong Ferdinand Marcos Jr.
Panawagan ni Speaker Dy, dapat siguruhon sang mga mamalidha ang matuod-tuod kag maayo nga paggamit sang pondo sang pungsod.
Magluwas sa national budget, gin-aprubahan man sang Kamara ang pila ka importante nga panukala pareho sang HB 4746 (Franchise para sa Bohol Light Company, Inc.); HB 4757 (Sustainable Cities and Communities Act); HB 4745 (Last Mile Schools Act; HB 4744 (Private Basic Education Vouchers Assistance Act).
