P30 per kilo buying price sang humay sang NFA magapabilin

Magapabilin sa P30 kada kilo ang presyo sang pamakal sang humay sang National Food Authority (NFA).

Katuyuan sini suno sa NFA nga mapabilin nga competitive ang presyo sang pamakal kag mapasanyog ang kita sang mga mangunguma.

Suno kay NFA administrator Larry Lacson, ginapasiguro sini nga magapabilin sa P30 ang kada kilo sang ila pamakal, magluwas nalang kun bag-ohon sang NFA council.

Matandaan nga sang Abril, ginpasaka sang NFA council sa P17 tubtob P30 ang kada kilo sang pamakal sang ahensiya gikan sa P16 tubtob P23 ang kada kilo agud makabato ang mga ini sa pamakal sang pribado nga traders.