Ginmado sang Korte Suprema si Ombudsman Jesus Crispin “Boying” Remulla kag ang Independent Commission for Infrastructure nga maghatag sang komento bahin sa ginfile nga petisyon ni anay Ako Bicol partylist Rep. Zaldy Co.
Ginkuwestyon sang anay mamalidha ang resolusyon sang Office of the Ombudsman nga nagpasaka sang kaso batok sa iya kag sa iban pa bangud sa gina-alegar nga paglapas sa Anti-Graft and Corrupt Practices Act kag malversation may kaangtanan sa korapsyon sa flood control projects.
Ginpahayag man sang Korte Suprema nga wala pa sila sang ginpagwa nga Temporary Restraining Order (TRO) may kaangtanan sa “petition for certiorari” ni Co.
Samtang sini, ginpasiguro sang Office of the Ombudsman nga magasunod sila sa mando sang Korte Suprema nga maghatag sang komento sa petisyon ni Co.
