KORONADAL CITY- Naluwas sa kamatayon ang isa na naman ka Overseas Filipino Worker sa Saudi Arabia makaligad ini nga magpangayo sang bulig sa Bombo Radyo Koronadal.
Ginkialala ang nasambit na Pinay Domestic Helper nga si Ana Marie Habana halin sa banwa sang Sto. Niño South Cotabato kun sa diin suno sa nasambit nga Pinay DH wala pa sang isa ka tuig naka-eksperyensya na ini sang pagpangmaltratar sang iya mga arabo nga amo.
Dugang pa sini nag luwas sa ginagutom nila ang nasambit nga Pinay DH ginakulata man ini apisar wala sang rason kag ginapreso sa roof top kun sa diin indi ini makapati nga masalbar pa ang iya nga kabuhi kag makit-an sa kalawasan sini ang dalagkuan nga mga hanog kag lagub kag halos indi na makalakat.
Samtang ginakabig naman sini nga ikaduha nga kabuhi ang pagkaluwas sa iya kag nagpasalamat sa Bombo Radyo.
Suno naman kay Bombo International Correspondent Boyet Forro ginaproseso na sa karun ang pagpauli sang nasambit nga Pinay DH sa pakigbuligay man sang Philippine Overseas Labor Office o POLO.
