KORONADAL CITY- Padayon nga gina obserbaran sa karun ang isa ka Overseas Filipino Worker sa pungsod Saudi Arabia makaligad ini nga gintripan sang wala pa makilal-an nga suspek kag ginlampusan sang tubo.
Sa impormasyon nga ginpalab-ot ni Bombo Middle East Correspondent Boyet Forro, ginkilala ang OFW nga si Aljun Acad Andrade nga naghalin sa Linabuan Sur, Banga Aklan nga nagatrabaho bilang isa ka waiter sa nasambit nga pungsod.
Base sa imbestigasyon sang mga otoridad, nagapanglakaton suno pa papuli ang biktima halin sa isa ka remittance center makaligad magpadala sang kwarta para sa iya nga utod nga naospital sa Pilipinas sang ginpalapitan sang mga ginatawag nga “BADO” ukon mga arbao nga tulisan kag gin-agaw ang iya mga gamit lakip na ang wallet kag cellphone sini.
Nagbato suno pa ang OFW kag gilayon nga ginlampusan sang tubo sa iya nga ulo.
Nasapwan na lamang ini sa gilid sang dalan kag gindangat sang mga nakakita sa Saudi German Hospital sa Riyadh kun sa diin yara na sa Intensive Care Unit ini subong kag padayon nga ginamonitor sang ang iya nga kahimntangan.
