KORONADAL CITY- Malipayon na nga kaupod sang isa ka OFW gikan sa pungsod Saudi Arabi ang iya pamilya sa Tampakan, South Coatabato makaligad nga nakapauli na.
Ginkilala ang nasambit nga OFW nga si Analyn Ogeda, nga nakaeksperyensya suno pa sang pagpangmaltrato makaligad nga wala naluyagan sang iya employer sa indi mahibaluan nga rason.
Matapos sini, ginsaysay ni Analyn sa Bombo Radyo nga napasugot sini ang employer nga magpuli na lamang sa Pilipinas kun indi luyag sa iya apang ginkakibot nga wala ini ginpapauli sang iya agency nga Al Omar Manpower Agency sa baylo ginpreso pa ini sa madulom nga hulot kag ginkinuha ang cellphone agud nga indi sini makontak ang pamilya sa Pilipinas.
Kun madumduman, emosyunal nga nagpalapit sa waragwagan ang asawa ni Analyn nga si Elmer Ogeda agud magpabulig matapos nga wala na makontak ang iya asawa sa nasambit nga pungsod.
Gilayon naman nga nakig-angot ang Bombo Radyo Koronadal sa agency sini kagh nagpromisar nga papaulion ang OFW.
Kaangot sini, lubos ang pagpasalamat ni Analyn sa Bombo Radyo bangud kaupod na sini ang iya pamilya.
