KORONADAL CITY – Mas nadugangan pa ang numero sang mga nagasungka nga rebelde sa rehiyon 12 makaligad nga liwat nakapagkit sang isa pa ka surrenderer sa bahin sang Columbio, Sultan Kudarat.
Ini makaligad tigayon nga nagsungka sa Columbio Municipal Station ang isa ka myembro sang NPA nga ginkilala kay Biboy Catalino sang Tela Paz sa nasambit nga banwa.
Kadungan sang iya pagsungka amo man ang pagdala sini sang pila ka sahi sang improvised explosive device.
Suno kay Datu Zahir Mamalinta, Sangguniang Bayan Member sa Columbio kag sang Committee Chairman on Peace and Order, nangin kabahin sa boluntaryo nga pagsungka sang rebelde ang Sultan Kudarat Mobile Force Company, Columbio MPS kag lokal nga gobyerno sang Columbio.
Inaman sa mga ginalantaw nga rason sang pagsungka sini amo ang tigayon nga pagdeklarar sang ila LGU sa grupo sang NPA nga persona-non-grata kag luyag man suno pa nila nga magbag-o ang kabuhi pinaagi sa pagbalik sa sabak sang gobyerno.
Dugang pa sang opisyal nga natalana naman nga makabaton sang benepisyo ang nasambit nga mga rebel-returnee sa idalom sang E-clip program sang gobyerno.
