KORONADAL CITY- Ginpahugtan pa sa karun sa probinsya sang North Cotabato ang ginapatuman nga seguridad sa nagahilapit nga Bangsamoro Organic Law plebiscite sa pila ka banwa sa nasambit nga probinsya sa palaabuton nga Pebrero 6 adlaw sang miyerkules.
Sa ekslusibo nga interbyu sang Bombo Radyo Koronadal kay 6th Infantry Division Philippine Army spokesman Major Arvin Encinas nga mas gipahugot pa nga security measures ang ila ginapatuman ilabi na sa mga banwa sang Pikit, Kabacan, Midsayap, Tulunan, Pigcawayan, Aleosan kag Carmen kun sa diin igapatigayon ang ikaduha nga bahin sang plebisito para sa ratipikasyon sang BOL.
Nahibaluan nga nagapatigayon naman sang No ID No Entry sa nasambit nga mga lugar agud nga mapunggan nga makasulod ang pila ka Indonesian terrorist nga nagapakig-alyansa sa Bangsamoro Islamic Freedom Fighters agud magpalapnag sang kinagamo.
Samtang ginpahugtan man ang mga checkpoints sa probinsya sang Sultan Kudarat kag South Cotabato apisar indi kasali sa plebisito agud mapunggan ang anuman nga diversionary tactics sang mga terorista nga grupo samtang masako sa plebisito.
