Ginpahayag sang National Grid Corporation of the Philippines (NGCP) nga manubo ang overall transmission rates sini nga Hunyo, nga makita sa bayranan sang kuryente sang mga konsyumer para sa Hunyo 2026.
Suno sa pahayag sang NGCP, P0.56 kada kilowatt-hour lang ang sukton para sa paghatod sang ila serbisyo.
Ginpahayag sang NGCP nga ang pagnubo sang sukot resulta sang mas manubo nga transmission wheeling charges, nga amo ang bayad para sa pagpadangat sang kuryente halin sa mga power plant pakadto sa mga distribution utilities.
Luwas sini, nagnubo man ang ancillary services rates ukon ang gasto para sa pass-through services halin sa reserve market kag iban pa nga mga provider nga may kontrata sa NGCP.
Ginapaabot nga ang sini nga tikang magahatag sang bulig sa mga konsyumer sa tunga sang padayon nga pagsaka sang presyo sang mga balaklon kag kuryente sa pungsod.
