KORONADAL CITY – Passable na sa subong ang national highway sa Brgy Poblacion, Esperanza, Sultan Kudarat matapos nga temporaryo nga ginpasira bangud sa pagkarekober sang isa ka unattended baggage nga may IED.
Sandig sa report, nakit-an lamang sang isa ka residente nga nag-agi sa nasambit nga lugar ang IED kag gilayon nga ginreport sa mga otoridad kahapon nga adlaw.
Gilayon naman nga nagresponder ang tropa sang Esperanza PNP kag ginkordon ang area kun sa diin gilayon man nga ginpasigabong ang bomaba sang Explosive Ordinance Division sang Sultan Kudarat PNP.
Hinimo suno pa sa black powder nga may lansay ang nasambit nga IED nga ginbilin sa lugar.
Samtang, nagpasalamat naman ang mga otoridad sa madasig nga pagreport sang mga civilian angot sa nasambit nga ekplosibo.
Magluwas sa banwa sang Esperanza, nagapatuman man sang hugot nga seguridad sa siyudad sang Tacurong nga sang damlag lamang nangin target man sang pagpamomba.
Kaangot sini, nagpahanumdom si PSupt. Joefel Siason, hepe sang Tacurong City PNP sa mga pumuluyo nga indi mangin kampante nsa bayo mangin vigilante sa tanan nga tion.
