KORONADAL CITY – Nahangpan sang Muslim community sa Mindanao ang ginhimo nga deklarasyon sang Martial law sa bug-os nga isla sa sulod sang 60 ka adlaw.
Ini ang ginpahayag ni Sultan Mutalib Sambuto, ang chief sang Muslim Affairs sang South Cotabato sa interbyu sang Bombo Radyo Koronadal.
Suno kay Sultan Sambuto, ang pagdeklarar sang presidente sang Martial law ang suportado nila bangud nagapati sila nga masolusyunan sini ang sitwasyon sa siyudad sang Marawi agud tigayon nga matapna ang Maute terror group.
Dugang pa sini, nga kadam-an gihapon sang mga Muslim sa Mindanao ang law abiding citizen kag luyag nga mangin malinong ang bug-os nga isla.
Sa subong, nabalaka man sila sa mga utod nga Muslim sa Marawi nga apektado sang kinagamo didto.
Apang, ginpasiguro naman sini nga indi mangin apektado ang nagahilapit nga Ramadan o isa ka bulan nga fasting sang mga Muslim sa madason nga mga adlaw.
