MILF nagabulig na agud mapunggan ang Al-Khalifa recruitment sa South Cotabato

KORONADAL CITY– Kadugan sang monitoring sang South Cotabato PNP sa ginasiling nga recruitment sang Al-Khalifa group, nagabulig naman suno pa ang Moro Islamic Liberation Front o MILF.

Ginpahayag ni South Cotabato Police Provincial Director Sr./Supt. Franklin Alvero nga nagpatigayon sang mga symposium sa mga muslim community ang MILF agud mapahangop sa mga ini nga wala sang manami nga matuga kun mag intra sila sa grupo.

Una sini, kumpirmado na suno pa ang nasambit nga report nga may recruitment ang Al-Khalifa sa mga muslim brothers kag mga menor de edad nga ginkaalarma naman sang mga residente.