KORONADAL CITY – Natalana nga pasakaan sang kaso ang duha ka mga naaresto nga suspek sa natabo nga serye sang pagsigabong sa siyudad sang Tacurong, probinsiya sang Sultan Kudarat nga ginkapilas sang 16 ka tawo lakip na ang 5 ka mga katapu sang PNP kag militar.
Ini ang ginpahayag ni Police Senior Insp. Ronalyn Domider, spokesperson sang Tacurong City PNP sa interbyu sang Bombo Radyo Koronadal.
Madumduman nga ginkilala ang mga suspek nga sanday Warren Kansi Gani,18, residente sang Barangay Sakipulot General SK Pendatun Maguindanao kag miyembro sang Task Force Gani sang MILF sa idalom sang pagpamuno ni Kumander Tony Takubungan kag si Johari Kansi Gani alyas “Udtang Baliwan” 25, nga residente naman sang Sitio Nakan Barangay Datu Piang Maguindanao kag isa man ka miyembro sang 106 Base command sang MILF.
Suno kay Domider, gin-ako mismo sang duha nga mga katapu sila sang MILF apang ginpanginwala nila nga sila ang responsible sa serye sang pagpamomba sa siyudad.
Apang, naguwa sa imbestigasyon nga nakita mismo sang mga testigo ang duha ka suspek nga makaduluda ang hulag matapos ang paglupok kun diin nakuhaan pa ang mga ini sang granada.
Samtang, makabaton naman sang tig- napulo ka libo ka pesos nga cash assistance ang mga pilason sa natabo nga pagsigabong.
Ini ang ginpasiguro naman ni Sultan Kudarat Governor Sultan Pax S. Mangudadatu nga amo man ang Regional Peace and Order Council chairman ng Region 12.
Suno sa gobernador igahatag sang provincial government ang bulig sa kada indibidwal nga napilasa kag pagalantawon kun ano pa ang mabulig sang provincial government sa mga ini.
Kadungan sini, hugot naman nga ginkundenar sang opisyal ang natabo.
Kasabay nito, mahigpit din na kinundena ng opisyal ang pangyayari.
