KORONADAL CITY- Gina istoryahan man sa middle east ilabi na sa Saudi Arabia ang nagluntad nga mass shooting sa isa ka concert sa Madalay Bay and Casino sa Las Vegas, Nevada USA.
Suno kay Bombo Radyo International Correspondent Boyet Forro, nagakabalaka man ang iban nga mga pinoy sa middle east ilabi na sa mga himata nila nga yara sa Estados Unidos partikular na sa Las Vegas kun sa diin nagluntad ang madinuguon nga massacre nga ginkapatay sang halos 60 ka persona kag ginkapilas sang masobra 500.
Sa subong nakatutok suno pa ang mga ini ilabi na sa mga update sa Bombo Radyo Philippines angot sa mga nagaluntad sa lugar ilabi na kun may dugang nga mga pinoy nga nalamita.
Dugang pa nga ginkasubo man nila ang pagka-angot ni Marilou Danley nga isa ka pinay apang nag denounce sang iya Filipino Citizenship kun sa diin ginakabalak-an ang mangin malain nga epekto sa imahe sang mga pinoy sa iban nga pungsod.
