KORONADAL CITY – Nagpanawagan ang mga mangunguma sa probinsya sang South Cotabato bangud sa manubo nga baklanay sang ila nga produkto sa probinsya.
Nahibaluan nga indi maganubo sa 500 ka mga mangunguma sa Sitio Kibang sa Brgy. Ned Lake Sebu ang nagpatigayon sang hublag protesta bangud sa manubo nga baklanay sang ila mga produkto nga mais nga nagabalor sang P2.00/kilo.
Base sa grupo sang mga mangunguma nga nagpatigayon sang hublag protesta, halos indi na nila masustiner ang ila pang-adlaw-adlaw nga mga panginahanglanon bangud sa manubo nga baklanay sang mga local traders.
Sa pihak nga bahin, sa ekslusibo nga interbyu sang Bombo Radyo Koronadal kay D.A secretary Manny Piñol apisar indi nila sakop ang presyuhanay sang produkto nga mais, igapalab-ot nila ang panawagan sang mga mangunguma sa kongreso.
Ginalauman naman sang mga mangunguma nga mahatagan sang solusyon ang ila mga problema.
