KORONADAL CITY-Ginkondenar sang mga katutubo ang madinuguon nga krimen sa banwa sang Lake Sebu, South Cotabato makaligad luthangon ang mga lumad sa Brgy. Halilan sa nasambit nga banwa sang mga ginapatihan nga mga myembro sang New People’s Army.
/Nahibalaun nga dead on arrival si Jimmy Ofong, 46 anyos nga isa ka mangunguma kag residente sang Brgy. Lamdalag, Lake Sebu South Cotabato samtang yara naman sa kritikal nga kondisyon ang hinablos sini nga si Jovel Sulan kag isa ka Marko Simbulan makaligad luthangon ang mga ini samtang nagapahuway sa ila rest house.
Suno sa impormasyon, ginapatihan nga mga myembro suno pa sang NPA ang may kahimuan sa krimen makaligad nga wala nagsugot ang mga mangunguma sa ginapangayo nga extortion money sang mga rebel apang ginalantaw man ang anggulo sang agaway sa duta.
Sa subong nagapadayon pa ang imbestigasyon sang Lake Sebu PNP sa nagluntad nga krimen.
