KORONADAL CITY – Nagahimo man sang paagi ang mga kasimanwa naton sa Japan agud nga buligan ang local coast guard sa ila search and rescue operation sa nagbaliskad nga cargo ship.
Suno kay Bombo international correspondent Sally Hernaez, isa ka overseas Filipino worker sa nasambit nga pungsod apang tumandok sa banwa sang Banga, nagdesisyon ang pila ka mga Pilipino sa nasambit nga pungsod nga buligan ang Japanese coast guard agud pangitaon ang mga tripulante sang nagbaliskad nga cargo ship kun sa diin sakay diri ang kapin 40 ka tripulante nga mga Filipino, duha ka Australian kag duha ka taga-New Zealand.
Dugang ni Hernaez, yara sa lima ka mga Filipino ang boluntaryo nga naghatag sang ila tion agud magbulig sa pagpangita sa mga na-missing nga mga tripulante.
Nagalaum naman ini nga yara sa luwas nga kahimtangan ang mga tripulante sang nasambit nga insidente.
