KORONADAL CITY – Kasubong nga nakuhaan sang dako nga tunok ang pamilya Magon makaligad mahibaloan nga nadakpan na ang ila himata kag suspek sa nagluntad nga suspek sa Prk. Pag-asa, Brgy. Rizal, Banga, South Cotabato.
Ini makaligad yara na sa kustodiya sang Banga PNP ang suspek nga si alyas Paul Bautista ukon Gido Chemery Blatang sa matuod nga kabuhi makaligad nga makit-an sang Cafgu nga si Mike Lozano kag ginsugid sa kapulisan.
Sa eksklusibo nga interbyu sang Bombo Radyo Koronadal kay Bautista, ginhimo sini ang pagpanglabo sa iya mga himata tuga sang ginatago nga kaakig bangud sa diskriminasyon sa iya bilang Blaan kag sa pagpanghikay sa iya sa madugay na nga tion.
Nagsakay pa ang suspek sa motorisklo sang Cafgu nga si Lozano kag ginpahayag nga magakadto siya sa Tacurong City antes pa man nadakpan sang mga otoridad.
Sa subong tuman ang iya paghinulsol sa iya ginhimo kag nagapangayo sang kapasayloan sa iya mga himata.
Samtang ginhatag naman ni Mayor Albert Palencia sang banwa sang Banga ang P200,000 nga reward sa una nga naghatag sang impormasyon sa suspek.
Natalana man nga pasakaan sang nagakaigo nga kaso si Bautista.
