KORONADAL CITY – Natalana na nga pasakaan sang kaso ang mag-asawa nga nadakpan sa ginpatigayon nga drug buybust operation sa banwa sang Carmen, North Cotabato kun sa diin masobra P1.1 Million nga balor sang druga ang narekober.
Suno sa Carmen PNP, nagpatigayon sang joint operation ang Carmen MPS, PDEA Cotabato Province, 602nd Brigade kag 4th SAB PNP SAF pinaagi sa search warrant batuk kanday kanday Jomar Sampulna kag asawa sini nga si Noraisa Sampulna sa Sitio Galay, Barangay Kibayao sa nasambit nga banwa.
Madugay naman suno pa nga ginamonitor ang hulag sang mga suspek kun sa diin lakip ang mga ini sa drug watchlist sang PDEA.
Naggwa man sa imbestigasyon sang PNP nga anay residente sang Ulandang, Midsayap Cotabato ang mga suspek kag nagapatigayon sang illegal drug activities.
Nahibaluan nga magluwas sa 175 grams sang ginapatihan shabu nga nagabalor sang Php 1,190,000 narekober man sa mga ini ang P27,700 nga cash prize..
