KORONADAL CITY – Ginkalipay ni Koronadal City Health Officer Dr. Edito Vego nga nagguwa nga negative ang resulta sang covid-19 test sa pamilya sang seaman nga una na nga nabalita nga nalatnan sang nasambit nga balatian.
Ini ang ginpahayag ni Dr. Vego sa eksklusibo nga interbyu sang Bombo Radyo Koronadal.
Suno kay Vego, lunsay nagguwa nga negatibo ang resulta sa ginpatigayon nga rapid kag RT-PCR tests sang mga health officials sa apat ka katapo sang pamilya sini kalakip na ang mga nakasulapo sang nasambit nga covid-19 positive patient.
Dugang sang opisyal, kinahanglan sa gihapon nga magtuman sa mandatory quarantine protocols ang mga ini agud masiguro nga indi malatnan sang virus ang ila mga kaingod.
Padayon sa gihpon ang pag-ayo sang asymptomatic nga seaman samtang yara sa isolation facility ini nagapabilin.
Apang ginpahayag ni Vego nga indi nila sa gihapon mahambal kun may yara na bala sang kaso sang local transmission kasunod sang natabo.
Nahibaloan nga kalakip sila sa masobra 500 ka tawo nga nakaangkon sang close contact sa pasyente.
Apang, padayon sa gihapon ang pahanumdom sini sa mga pumuluyo nga magtuman sa mga basic health protocols agud indi na magdugang ang mga kaso nga napagkit sa siyudad.Top
