KORONADAL CITY – Indi na gid makakas sa huna huna sang mga tao ang panghilitabo sa panahon sang Martial Law sa idalom sang adminitrasyon ni anay President Ferdinand Marcos.
Ini ang ginpahayag ni Sir Julius Ubas, isa ka manunudlo sa isa ka Unibersidad sa interbyu sang Bombo Radyo Koronadal.
Suno kay Sir Ubas, basta Martial Law ang paga istoryahan, madumduman gid ang hinimuan ni Marcos bangud siya ang naghimo sina kag iya ina nga panahon.
Ang martial ang makabig nga pinaka highlight nga natabo indi lamang sa bug os nga Pilipinas apang mangin man sa bug os nga kalibutan.
Ini ang panghilitabo nga kung sa diin may yara sang Constitutional Authoritarian Reform nga buot silingon siya lamang ang may yara sang gahom kun ano ang nagakaangay nga himuon sa pungsod Pilipinas.
Dugang pa ni Sir Ubas, amo nga gintawag nga diktador si Marcos bangud sa amo niya sini nga hinumuan ang pagpatuman sang Martial Law.
