KORONADAL CITY- Nagapati si Bangsamoro People’s Congress chief Muslimin Sema nga patimaan sang pagtakop sang gyera ang madinalag-on nga plebisito para sa Bangsamoro Organic Law ratification.
Sa esklusibo nga interbyu sang Bombo Radyo Koronadal kay Sema, ang BOL ang isa ka anti-war, anti-terrorism kag anti-poverty legislation nga may tinutuyo nga hugpungon ang tanan para sa pag uswag sang kabuhi sang mga Moro.
Dugang pa nga ginhangkat man sini ang oposisyon nga indi pag isarado ang huna-huna kag hatagan sang tion ang BOL kag kun may mga reklamo man suno pa angot sa mga alegasyon nga pagpangdiya kinamatarong man suno pa sang oposisyon nga magsang-at sang reklamo sa natungdan.
Kaangot sini kumpyansa man si Sema nga nag agi sa democratic process ang tanan nga rason sa pagmadinalag-on sang BOL.
