Ginpahayag ni Senador Panfilo Lacson nga indi katungdanan sang Senate impeachment court ang magbukas sang selyado nga kahon sang Bureau of Internal Revenue (BIR) nga may kaangtanan sa impeachment trial ni Vice President Sara Duterte.
Suno kay Lacson, ang House prosecution panel ang dapat mangayo sang permiso sa Office of the President antes mabuksan ang kahon. Ginsiling man niya nga ibalik ini sa House prosecution bangud wala sang awtoridad ang Senado sa pagbukas ukon pagtago sang wala pa napresentar nga ebidensya.
Ang kahon nagalakip sang mga tax record ni Vice President Sara Duterte kag sang iya bana nga si Mans Carpio nga ginsumiter sang BIR sa House Justice Committee.
Luyag sang House prosecution nga magamit ini bilang ebidensya sa Article II sang Articles of Impeachment nga may kaangtanan sa ginapatihan nga “unexplained wealth.”
