KORONADAL CITY – Ginabulobanta nga nagalab-ot sa kapin P7 milyon nga balor sang droga ang nakumpiskar sang mga otoridad sa ginpatigayon nga operasyon sa Don Roman Vilo Street, Poblacion 6, Cotabato City.
Ginpangunahan ni PDEA-ARMM Director Juvenal Azurin ang nasambit nga operasyon kabulig ang PDEA Region Office 9, PDEA Region Office 12, Task Force Kutawato, 5th Special Force Battalion, Cotabato City Police Office-Police Station 1, Cotabtao City Drug Enforcement Unit (CDEU), RPDEU ARMM, PDEU Maguindanao, Highway Patrol Group Region 12 kag Barangay Anti Drug Abuse Council sang Barangay Poblacion 6 agud madakpan ang high value target nga si Mhads Mamintal Luminog alyas Mhads, 32 anyos, lalaki kag residente sang Rosary Heights 7, Cotabato City.
Nakapalagyo naman ang upod sini nga si alyas Tani makaligad mahibaloan nga mga otoridad ang iya naka-transaksyon.
Nakumpiska halin sa mga suspek ang 20 ka medium sized sachet sang ginapatihan nga shabu nga may estimated street value nga P6.8 milyon, isa ka cellphone, motorsiklo kag multicab.
Sa subong yara na sa kustodiya si Mhadz samtang nagapatigayon sang followup operation ang mga otoridad batok kay alyas Tani na nakapalagyo.
