KORONADAL CITY – Indi rason ang panibag-o nga pagpamomba sa Isulan, Sultan Kudarat agud mag-extend ang martial law diri sa Mindanao.
Ini ang ginpaathag ni 2nd District Congressman kag Deputy Speaker for Mindanao Dinand Hernandez sa interbyu sang Bombo Radyo Koronadal kasunod sang mga panawagan nga i-extend ini bangud sa nagluntad nga pagpamomba sa lugar nga ginkamatay sang tatlo ka tawo kag ginkapilas sang masobra 30 iban pa.
Suno sa kongresista sa iya pagpamangkot kay Defense Secretary Delfing Lorenzana sa ginpatigayon nga budget hearing sang Defense Department kag DILG, lunsay mga isolated cases lamang ang nagluntad nga pagpamomba sa Isulan mangin man diri sa siyudad sang Koronadal.
Para naman sa iya, posible nga ikonsiderar ang pag-extend sini depende sa kadakuon sang pamahog, kun yara pa ini, kag ang extent sang pamahog sa lugar.
Apang ginpahayag sini nga indi mahimo magpabilin sang madugay ang martial law bangud paglapas na ini sa Konstitusyon
